Wie is ...

LekkeLees.com?

lekkelees.com behoort aan die kinderboekskrywer, Jana Snyman wat al meer as Sestien gesogte boekies vir die jongspan die lig sien kom het.

WhatsApp Image 2022-07-10 at 2.11.00 PM.jpeg
WhatsApp Image 2022-07-10 at 2.11.00 PM.jpeg

LekkeLees.com en Afrikaans.com-skrywer Jana Snyman is gebore op Potchefstroom in Oktober 1993. Dit is ook hier waar sy in 2012 aan Hoërskool Ferdinand Postma gematrikuleer het. In 2013 begin Snyman haar graad in Taal-en Literatuurstudie aan die Noordwes-Universiteit, maar het kort na haar honneursgraad in 2016 besluit dis tyd vir ’n verandering en by Emirates-lugredery aangesluit as lugwaardin. 

WhatsApp Image 2022-07-10 at 2.11.01 PM (1).jpeg

Haar reis as lugwaardin het haar regoor die wêreld na meer as 90 lande geneem en het haar uitkyk op die lewe drasties verander.

Vandag, op 28, bly sy in Pretoria saam met haar man, Stephan van der Westhuizen en werk sy as kopie- en kinderboekskrywer by Afrikaans.com.

Snyman meen daar is soveel seer in hierdie wêreld waarin kinders hulself bevind en dat kinders dit verdien om ’n verbeeldingswêreld te hê waarna hul kan ontsnap en waarbinne hul hulself kan uitdruk. Sy sê dat boeke kinders die geleentheid bied om juis dít te doen. Haar idees raak selde op en sy probeer om in elke scenario iets nuuts, opwindends en spesiaal te sien wat as inspirasie vir haar kinderboeke dien.

WhatsApp Image 2022-07-10 at 2.11.01 PM (1).jpeg